ՍԻՎԵՔՈ (SIVECO) ընկերության ներկայացուցիչները ԿՏԱԿ–ում
23.07.2010թ.
Ռումինական հայտնի ՍԻՎԵՔՈ (SIVECO) ընկերության ներկայացուցիչներ Կոստել Թոդորին և Ալեքսանդրու Ռադասանուն այցելեցին Կրթական տեխնոլոգիաների ազգային կենտրոն (ԿՏԱԿ)։ Հյուրերը ԿՏԱԿ–ի տնօրեն Արեգ Գրիգորյանի և աշխատակիցների հետ հանդիպման ընթացքում ներկայացրեցին կրթության ոլորտում տեղեկատվական տեխնոլոգիաների (ՏՏ) ներդրման ուղղությամբ իրենց ընկերության կատարած աշխատանքները, մշակված էլեկտրոնային կրթական պաշարները, տարբեր երկրների հետ համգործակցության արդյունքները։ ԿՏԱԿ–ի տնօրենը համառոտ նկարագրեց Հայաստանի կրթության ոլորտում ՏՏ ներդրման ընթացքը, կրթության էլեկտրոնային բովանդակության ստեղծմանն առնչվող խնդիրները։

Հանդիպման վերջում ռումինացի հյուրերը ԿՏԱԿ–ին տրամադրեցին ընկերության գործունեության մասին տեղեկատվական նյութեր և էլեկտրոնային պաշարների լազերային սկավառակ, իսկ ԿՏԱԿ–ը նրանց նվիրեց «Հանրակրթությունը Հայաստանում» տեղեկագիրը, «Համացանցի օգտագործման ուղեցույցը» և ուղեցույցի էլեկտրոնային տարբերակը՝ խտասկավառակով։

Հայտարարություն գնանշման հարցման մասին
23.07.2010թ.

«Կրթական տեխնոլոգիաների ազգային կենտրոն» պետական ոչ առևտրային կազմակերպությունը «Ձև թիվ 1-հանրակրթություն «Հաշվետվություն հանրակրթական ուսումնական հաստատությունների գործունեության մասին 2010-2011 ուսումնական տարվա համար» վարչական վիճակագրական հաշվետվության տպագրում» աշխատանքը ձեռքբերելու համար «ԿՏԱԿ-ԳՀԱՇՁԲ-10/02» ծածկագրով կազմակերպում է գնանշման հարցում:
Գնանշման հարցման հրավեր ստանալու համար անհրաժեշտ է 1000 դրամ փոխանցել «Հայէկոնոմբանկ Սպանդարյան մասնաճյուղ» Հ/Հ 163048288407 հաշվեհամարին և սույն հայտարարության հրապարակման օրվան հաջորդող 8 աշխատանքային օրվա ընթացքում դիմել «Կրթական տեխնոլոգիաների ազգային կենտրոն» ՊՈԱԿ, հասցե` ք. Երևան, Վրացյան 73, 1-ին հարկ (հեռ.` 57-84-55):
Գնանշման հարցման հայտերը պետք է ներկայացնել մինչև դրանց բացման պահը` սույն հայտարարության հրապարակման օրվան հաջորդող օրվանից հաշված 10-րդ աշխատանքային օրվա ժամը 15:00:

Հրապարակվել է «Հայաստանի Հանրապետություն» օրաթերթում, 23.07.2010թ.

Հայտարարություն գնանշման հարցման մասին
23.07.2010թ.

«Կրթական տեխնոլոգիաների ազգային կենտրոն» պետական ոչ առևտրային կազմակերպությունը «Հանրակրթությունը Հայաստանում 2009-2010 ուսումնական տարում վիճակագրական տեղեկագրի հրատարակում» աշխատանքը ձեռքբերելու համար «ԿՏԱԿ-ԳՀԱՇՁԲ-10/01» ծածկագրով կազմակերպում է գնանշման հարցում:
Գնանշման հարցման հրավեր ստանալու համար անհրաժեշտ է 1000 դրամ փոխանցել «Հայէկոնոմբանկ Սպանդարյան մասնաճյուղ» Հ/Հ 163048288407 հաշվեհամարին և սույն հայտարարության հրապարակման օրվան հաջորդող 8 աշխատանքային օրվա ընթացքում դիմել «Կրթական տեխնոլոգիաների ազգային կենտրոն» ՊՈԱԿ, հասցե` Երևան, Վրացյան 73, 1-ին հարկ (հեռ.` 57-84-55):
Գնանշման հարցման հայտերը պետք է ներկայացնել մինչև դրանց բացման պահը` սույն հայտարարության հրապարակման օրվան հաջորդող օրվանից հաշված 10-րդ աշխատանքային օրվա ժամը 15:00:

Հրապարակվել է «Հայաստանի Հանրապետություն» օրաթերթում, 22.07.2010թ.

Կայացավ ԿՏԱԿ–ի խորհրդի հերթական նիստը
16.07.2010թ.

2010թ. հուլիսի 8-ին կայացավ Կրթական տեխնոլոգիաների ազգային կենտրոնի (ԿՏԱԿ) խորհրդի հերթական նիստը, որը կազմակերպվեց հարցումների միջոցով՝ նիստի աշխատանքային փաստաթղթերը և նյութերը էլեկտրոնային փոստով փոխանակելու ճանապարհով։
Նիստից տասն օր առաջ խորհրդի քննարկմանը ներկայացվեցին անհրաժեշտ փաստաթղթերը, այդ թվում՝
Կրթական տեխնոլոգիաների ազգային կենտրոնի 2010թ. երկրորդ եռամսյակի գործունեության հաշվետվությունը։

Հուլիսի 8–ից 14–ը ժամանակահատվածում խորհուրդը քննարկեց ներկայացված փաստաթղթերը և հավանություն տվեց կատարված աշխատանքներին։

Տեղեկանք 2010 թվականի գերակա խնդիրների և միջոցառումների իրականացման արդյունքների մասին (երկրորդ եռամսյակ)

Միջոցառում Գավառի հ.1 հիմնական դպրոցում
08.07.2010թ.

Հուլիսի 7–ին Գավառ քաղաքի h.1 հիմնական դպրոցում «հանդիպեցին» 9-րդ դասարանի աշակերտները և «Հայկական կրթական միջավայր» ֆորումը։ Աշակերտները ծանոթացան ֆորումում գրանցվելու և աշխատելու սկզբունքներին, քննարկվող թեմաներին ու կատարված գրառումներին: Նրանցից երկուսը՝ Սվետա Սարգսյանը և Ժենյա Չատիկյանը նաև գրառումներ արեցին «Ստեղծագործողի անկյուն» ու «Պոեզիա» թեմաներում: Միջոցառումը կազմակերպել էին և աշակերտներին օգնեցին դպրոցի օպերատոր Գոհար Գասպարյանն ու Կրթական տեխնոլոգիաների ազգային կենտրոնի (ԿՏԱԿ) Գեղարքունիքի մարզային համակարգող Լյուբա Չքոլյանը:

Լյուբա Չքոլյան
ԿՏԱԿ–ի Գեղարքունիքի մարզային համակարգող

Լուսանկարներ

ՇԻՀԿ–ը Գեղարքունիքի մարզի Կարմիրգյուղ համայնքում է
08.07.2010թ.

Կրթական տեխնոլոգիաների ազգային կենտրոնի Շարժական ինտերնետային–համակարգչային կայանը (ՇԻՀԿ) Գեղարքունիքի մարզի Ծովասար գյուղում ավարտեց իր աշխատանքները և այժմ դասընթացներ է վարում նույն մարզի Կարմիրգյուղ համայնքի աշակերտների և ուսուցիչների համար։

Լուսանկարներ

Արցախի հեռուստաընկերության տեսանյութը ՇԻՀԿ–ի դասընթացների մասին
06.07.2010թ.

Ինչպես տեղեկացրել էինք Կրթական տեխնոլոգիաների ազգային կենտրոնի (ԿՏԱԿ) Շարժական ինտերնետային համակարգչային կայանը (ՇԻՀԿ) մայիսի 5-16-ը Արցախի Բերձոր քաղաքում դասընթացներ է կազմակերպել ուսուցիչների և աշակերտների համար:

Համակարգչային գրագիտության դասընթացներին մասնակցել է Բերձորի դպրոցների 8-10-րդ դասարանի 18 աշակերտ և 24 ուսուցիչ:

Օրերս Արցախից ԿՏԱԿ–ին փոխանցեցին Լեռնային Ղարաբաղի Հանրապետության պետական հեռուստաընկերության «Օր» լրատվական ծրագրով հեռարձակված տեսանյութը ՇԻՀԿ–ի մասին։

«Հայկական կրթական միջավայրը» այցելությունների քանակով լավագույն 20 կայքերի շարքում է
02.07.2010թ.

Ըստ Circle.am–ի հունիս ամսվա տվյալների «Հայկական կրթական միջավայր» (www.armedu.am) պորտալը բարձր այցելությունների քանակ ունեցող 20 կայքերի աղյուսակի 17–րդ հորիզոնականում է:

Թերթ.am կայքում ներկայացված են հայկական վեբ-ռեսուրսների այցելությունները չափող Circle.am կայքի հունիս ամսվա արդյունքներն ամփոփող տվյալները։ Circle.am–ում գրանցված են 1293 կայքեր։

Ըստ վերլուծության, երկրորդ ամիսն անընդմեջ հայկական կայքերի շարքում Հայաստանից ամենաշատ այցելուներ ունի Թերթ.am-ը: Հայաստանյան այցելությունների քանակով, ինչպես նախորդ ամիս, երկրորդ տեղում A1plus.am լրատվական կայքն է։ Առաջատար յոթնյակը, նախորդ ամսվա համեմատ, փոփոխության չի ենթարկվել. 3-5-րդ տեղերում ժամանցային Armenia-online.ru, Hayland.am և Druzja.am կայքերն են, 6-րդ տեղում՝ Auto.am ավտոպորտալը, 7-րդ տեղում՝ տարադրամների փոխարժեքներին վերաբերող Rate.am կայքը, 8-9–րդ տեղերում կրկին լրատվամիջոցներ են՝ Aravot.am և Armsport.am, իսկ լավագույն 10-յակը եզրափակում է տեղեկատվական Spyur.am կայքը։

Հայաստանից ամենաշատ այցելություններ ունեցող 20 հայկական կայքերի աղյուսակը

Հայկական վիրտուալ քոլեջը մեկ տարեկան է
02.07.2010թ.

Կրթական տեխնոլոգիաների ազգային կենտրոնը սիրով շնորհավորում է Հայկական վիրտուալ քոլեջի տարեդարձը ու մաղթում բազում – բազում հաջողություններ (այս դեպքում՝ ոչ վիրտուալ՝ իրական)։

Լրացավ Հայկական բարեգործական ընդհանուր միության «Հայկական վիրտուալ քոլեջի» մեկ տարին։ Այս ընթացքում քոլեջն ունեցել է շուրջ 500 աշակերտ – ուսանողներ աշխարհի բազմաթիվ երկրներից։

Քոլեջում ուսուցումն իրականացվում է ժամանակակից տեղեկատվական միջոցներով։ Հեռավար ուսուցման համակարգը հնարավորություն է տալիս մեկտեղել դասավանդման դասական մեթոդներն ու արդի համացանցային հնարավորությունները։

Քոլեջում առարկաները (արևելահայերեն ու արևմտահայերեն, հայոց պատմություն, հայկական արվեստ) դասավանդվում են վեց լեզուներով՝ արևելահայերեն, արևմտահայերեն, անգլերեն, ռուսերեն, ֆրանսերեն ու իսպաներեն։ Այս հանգամանքը հնարավորություն է տալիս դասընթացներում ընդգրկել հայերենին չտիրապետող սփյուռքահայերին և օտարազգիներին։

Հսկայական է Հայկական վիրտուալ քոլեջի դերն ու նշանակությունը ինչպես հայոց լեզուն, պատմությունն ու մշակույթը ուսուցանելու, այնպես էլ հեռավար ուսուցման նորագույն մեթոդներն ու միջոցները Հայաստանում արդյունավետ կիրառելու տեսանկյունից։

Սկսվել են ՀԴԻՑ–ի ընդլայնման աշխատանքները և մասնագետների վերապատրաստումը
01.07.2010թ.

Կրթական տեխնոլոգիաների ազգային կենտրոնը (ԿՏԱԿ) սկսել է իրականացնել Հայաստանի դպրոցների ինտերնետային ցանցի (ՀԴԻՑ) ընդլայնման աշխատանքները։ 2011 թվականի հունվարից ՀԴԻՑ-ում ընդգրկված 644 դպրոցներին կմիանան 300 նոր դպրոցներ։ Ցանցին նոր միացվող դպրոցների համապատասխան մասնագետների վերապատրաստումը կազմակերպելու համար ՀՀ կրթության և գիտության նախարարության պատվերով Կրթության ազգային ինստիտուտի մասնագետները հունիսի 22-ից սկսել են վերապատրաստման դասընթացների առաջին փուլը՝ դրանցում ընդգրկելով Երևանի, Շիրակի ու Լոռու մարզերի ավելի քան 130 դպրոցների ինֆորմատիկայի ուսուցիչների։

Լուսանկարներ

>>> ՊԱՀՈՑ